Општи услови за користење

1. Што е Имам Човек

Имам Човек е дигитална платформа за консултантски, административни и деловни услуги, координација и посредување. Платформата им помага на физички лица, иселеници и компании да ги завршат административните и организациските обврски, наместо да губат време по шалтери и институции.

2. Како функционира услугата

Корисникот испраќа барање преку чатот на платформата. Тимот одговара со понуда која содржи опис на услугата, рок и фиксна цена. Услугата започнува откако корисникот ќе ја прифати понудата и ќе изврши плаќање. Корисникот го следи статусот на своето барање директно во платформата.

3. Обем на услугите

Имам Човек обезбедува консултантски, административни и деловни услуги и не врши адвокатско застапување. За предмети и постапки за кои согласно закон е потребно учество на лиценцирани професионалци, платформата соработува со адвокати, нотари, сметководители и други овластени стручни лица.

4. Обврски на корисникот

• Да дава точни и целосни податоци и документи за барањето.
• Да обезбеди овластувања или полномошна каде што постапката тоа го бара.
• Да ја користи платформата само за законити цели.

5. Одговорност

Имам Човек е платформа за координација и посредување. Гарантираме професионално и навремено преземање на сите разумни активности, но крајниот исход и времетраењето на постапките зависат и од роковите, одлуките и постапките на надлежните институции и трети лица, за кои платформата не презема законска одговорност.

6. Плаќање

Плаќањата се извршуваат безбедно преку Stripe. Деталите се уредени во Политиката за плаќање и рефундација.

7. Измени на условите

Имам Човек може да ги измени овие услови. Важечка е секогаш верзијата објавена на оваа страница.